Кошты нафты падаражэлі, але ненадоўга?
8- 4.12.2016, 17:35
- 16,970
Аналітыкі не вераць, што згода нафтавай картэлі на абмежаванне здабычы здолее ўтрымаць кошты сыравіны.
Нафта даражэе на фоне дамоўленасці АПЕК і Расеі ў скарачэнні здабычы для стабілізацыі рынку.
Кошт нафты маркі Brent перавысіў 54 даляры за барэль упершыню з 9 кастрычніка мінулага года. Амерыканская тэхаская нафта WTI таргуецца вышэй за адзнаку ў 51 даляр.
Але многія аналітыкі не вераць, што згода нафтавай картэлі на абмежаванне здабычы здолее ўтрымаць кошты сыравіны на пэўным узроўні ў доўгатэрміновай перспектыве, паведамляе euronews.com.
Нават калі краіны-чальцы АПЕК і Расеі, якая не ўваходзіць у арганізацыю, выканаюць заключаныя дамоўленасці, лішак прапановы паменшыцца нязначна.
Экспэрты таксама кажуць, што іншыя гульцы могуць павялічыць аб'ёмы паставак, напрыклад, вытворцы сланцавай нафты ў ЗША.