У панядзелак чакаецца да 2 градусаў цяпла

Слабая мяцеліца і галалёдзіца чакаюцца 5 снежня ў Беларусі.

Пра гэта паведамілі БелТА ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя.

Будзе воблачна з прасвятленнямі. Пераважна на паўночнай палове рэспублікі чакаюцца ападкі (снег, удзень мокры снег з дажджом). Прагназуюцца слабыя мяцеліца і галалёд. На асобных адрэзках дарог галалёдзіца.

Вецер будзе паўднёва-заходні, заходні, умераны, раніцай і ўдзень на большай частцы тэрыторыі чакаецца ўзмацненне ветру парывамі да 15-20 м/с. Праз моцны вецер у Беларусі абвешчаны аранжавы ўзровень небяспекі.

Тэмпература паветра ўначы складзе ад мінус 4 да мінус 9 градусаў, пры прасвятленнях - ад 10 да 14 марозу. Удзень будзе ад мінус 3 да плюс 2 градусаў.