Стасевіч прызнаны найлепшым футбалістам чэмпіянату Беларусі
1- 5.12.2016, 21:28
- 23,634
«Зорны мяч-2016» назваў найлепшага футбаліста, трэнера, суддзю і іншых лаўрэатаў сезона.
У сталічнай канцэртнай зале Prime Hall прайшла цырымонія закрыцця футбольнага сезону «Зорны мяч-2016». На ёй названы найлепшы футбаліст і трэнер Беларусі, найлепшы гулец нацыянальнага чэмпіянату, арбітры, а таксама іншыя лаўрэаты ў розных намінацыях, паведамляе «Трибуна».
Пераможцам у намінацыі найлепшы футбаліст чэмпіянату Беларусі-2016 стаў паўабаронца БАТЭ Ігар Стасевіч.
Адзначым, што Стасевіч прызнаны найлепшым гульцом чэмпіянату Беларусі трэці сезон запар.
Нападнік БАТЭ Віталь Радзівонаў названы самым каштоўным гульцом чэмпіянату Беларусі-2016.
У гжтым сезоне ў чэмпіянаце Беларусі Стасевіч правёў 26 матчаў, забіў 6 мячоў, адзначыўся 15 галявымі перадачамі.
Нагадаем, Радзівонаў разам з Міхаілам Гардзейчуком стаў найлепшым бамбардзірам чэмпіянату. Абодва гульцы БАТЭ забілі па 15 мячоў.