Фотафакт: У Беларусі ўвайшла ў абарачэнне 500-рублёвая купюра

Гэта самы буйны на сённяшні дзень намінал нацыянальнай валюты.

Раней у Нацбанку паведамілі, што купюры вартасцю 200 і 500 рублёў можна атрымаць у касах Нацбанка і камерцыйных банках на спецыяльны запыт, паведамляе belaruspartisan.org.

500 дэнамінаваных беларускіх рублёў — гэта 5 мільёнаў рублёў «старымі» або прыкладна 250 даляраў.

«Сёння такое вось далі ў «Беларусбанку». І мне стала цікава. Быццам бы, размова была, што ў хаджэнне іх не выпускаюць, толькі юрыдычным асобам на заяўкі. А мне далі дзве такія пацёртыя купюры, месцамі надарваныя, што ў мяне склалася ўражанне, або яны ходзяць ужо пару гадоў, або з імі ў сховішчы Нацбанка гэтак чалавек сто сфатаграфаваліся і зрабілі сэлфі...» — напісаў аўтар фота Пятро Кузняцоў.