Дзевяць гульцоў «Цмокі-Мінск» прэтэндуюць на ўдзел у Матчы зорак Адзінай Лігі ВТБ
1- 6.12.2016, 20:14
- 28,786
У Сочы 11 лютага адбудзецца двубой паміж камандамі «Зоркі Расеі» і «Зоркі свету».
11 лютага ў Сочы пройдзе першы ў гісторыі Матч зорак Адзінай Лігі ВТБ. Галоўнай падзеяй дня стане двубой паміж камандамі «Зоркі Расеі» і «Зоркі свету».
Склады калектываў будуць вызначаныя ў тры этапы. На першым галасаваць за ўлюбёных гульцоў будуць заўзятары клубаў Лігі ВТБ.
«Выбары» пройдуць з 6 снежня да 1 студзеня. Затым найлепшых з найлепшых адбяруць спартыўныя журналісты. А стартавыя пяцёркі каманд вызначаць прызначаныя Лігай трэнеры.
Адразу дзевяць гульцоў «Цмокі-Мінск» — Дру Джойс, Джасцін Грэй, Джорджэ Гагіч, Лайманас Кіселюс, Неманья Мілошавіч, Аляксандр Кудраўцаў, Аляксандр Семянюк, Аляксей Лашкевіч і Павел Ульянка — прэтэндуюць на патраплянне ў каманду «Зоркі свету».
Галасаванне ўжо стартавала ў афіцыйнай групе клуба «Вконтакте». Тройка самых папулярных гульцоў выйдзе ў наступны раўнд адбору і атрымае шанец узяць удзел у Матчы зорак.