У Сірыі загінуў расейскі палкоўнік
30- 7.12.2016, 11:12
- 15,499
Палкоўнік Руслан Галіцкі знаходзіўся ў Сірыі ў складзе групы расейскіх вайсковых дарадцаў.
Міністэрства абароны РФ паведаміла пра гібель у Сірыі расейскага вайсковага дарадцы, паведамляе НТВ.
Палкоўнік Руслан Галіцкі памёр ад раненняў, атрыманых у выніку абстрэлу паўстанцамі аднаго з жылых кварталаў у заходняй частцы Алепа. Медыкі змагаліся за яго жыццё некалькі дзён, але беспаспяхова.
Мінабароны РФ: «Афіцэр атрымаў раненні падчас артылерыйскага абстрэлу баевікамі так званай апазіцыі жылых кварталаў заходняй частцы Алепа. Расейскія вайсковыя медыкі цягам некалькіх дзён змагаліся за яго жыццё».
Афіцэр працаваў у Сірыі ў складзе групы расейскіх вайсковых дарадцаў.
Паводле звестак Мінабароны РФ, камандаваннем палкоўнік Руслан Галіцкі прадстаўлены да высокай дзяржаўнай узнагароды пасмяротна.