Цана нафты Brent апусцілася ніжэй за $53 за барэль

Амерыканская нафта WTI таксама патаннела на 2% — да $48,95 за барэль.

Цана лютаўскіх ф'ючэрсаў нафты маркі Brent апусцілася на пачатку таргоў на лонданскай біржы ICE на 1,8 адсотка да 52,98 даляра за барэль, піша lenta.ru. Студзеньскія ф'ючэрсы на амерыканскую нафту WTI таксама патаннелі на 2 адсоткі — да 48,95 даляра за барэль.

Цэны стабілізаваліся ў межах 53 даляры за барэль у чаканні вынікаў сустрэчы краін АПЕК з прадстаўнікамі найбуйнейшых нафтаздабыўных краін, якія не ўваходзяць у картэль.

30 лістапада стала вядома, што картэль АПЕК упершыню за восем гадоў прыняў пастанову скараціць здабычу нафты. У кастрычніку 2016 года картэль вырабляў 33,64 мільёна барэляў у дзень, а з студзеня 2017 года здабыча знізіцца на 1,2 мільёны барэляў — да 32,5 мільёна ў дзень. Расея скароціць здабычу на 300 тысяч барэляў, ключавыя вытворцы нафты, якія не ўваходзяць у АПЕК, знізяць яе на 600 тысяч барэляў у дзень.