Менчукі пра СНД: Ніякага шчасця ад яго няма
13- 8.12.2016, 21:59
- 142,036
Мінакі распавялі, што, на іхнюю думку, дае СНД Беларусі, і ці ёсць нейкая альтэрнатыва гэтай арганізацыі.
25 гадоў таму – 8 снежня 1991 года – Савецкі Саюз «спыніў сваё існаванне». У рэзідэнцыі «Віскулі» ў Белавежскай пушчы кіраўнікі Беларусі, Расеі і Украіны Станіслаў Шушкевіч, Барыс Ельцын, Леанід Краўчук і кіраўнікі ўрадаў трох славянскіх рэспублік СССР падпісалі пагадненне аб стварэнні Садружнасці Незалежных Дзяржаў.
Журналісты «Белсату» распыталі мінакоў на вуліцах Менску, што, на іхнюю думку, дае СНД Беларусі, і ці ёсць нейкая альтэрнатыва гэтай арганізацыі.
«Якая карысць? Што мы маем у тым СНД? Нам нафту даюць сусветным коштам. Увесь час наш гэты вусаты Рыгоравіч спрабуе дамовіцца, дрэнна ўсё выходзіць. Ніякага шчасця нам ад яго няма», – мяркуе жанчына.
«Адзінцом горш, чым нейкі там СНД», – яшчэ адно меркаванне мінака.