Лідар апазіцыі перамог на прэзідэнцкіх выбарах у Гане
1- 9.12.2016, 16:25
- 24,430
СМІ афрыканскай краіны абвясцілі пра перамогу апазіцыйнага кандыдата з вынікам у 53%.
Кіраўнік апазіцыйных сіл у Гане Нана Акуфа-Адо перамог на прэзідэнцкіх выбарах, набраўшы абсалютную большасць галасоў, паведамляе Reuters са спасылкай на паведамленні вядучых радыёстанцый у краіне (пераклад – gazeta.ru).
Згодна з паведамленнямі радыёстанцый Joy FM і City FM, Акуфа-Адо атрымаў перамогу з вынікам 53%, у ягонага апанента, прэзідэнта краіны Джона Махамы, — 45,2%. Вынікі прыведзеныя на аснове падлічаных бюлетэняў у 218 акругах з 275.
Як адзначае агенцтва, Акуфа-Адо заявіў, што «цалкам упэўнены» ў перамозе, бо ягоная партыя атрымала большасць месцаў у парламенце Ганы.
Новая патрыятычная партыя Акуфа-Адо (НВП) заяўляе, што цяперашні ўрад няўмела выкарыстоўвае фінансавыя рэсурсы краіны і вылучае свой план для стварэнні дадатковых працоўных месцаў.
Адзначаецца, што выбарчая камісія краіны павінна апублікаваць вынікі выбараў 9 снежня.
Нагадаем, што тыдзень таму прэзідэнт Гамбіі пасля 22 гадоў праўлення саступіў на выбарах.
Раней таксама паведамлялася, што ў Гане цягам 10 гадоў працавала нелегальная амбасада ЗША.