У Менску на ходнікі ўпала частка балкона

Велізарны кавалак бетону адваліўся ад старога дома на вуліцы Камуністычнай.

27 студзеня а 20.50 на вул. Камуністычнай каля крамы "Шчодрая", наўпрост на ходнікі, дзе дастаткова часта ходзяць людзі, упала частка балкона, паведаміў на форуме сайта onliner.by адзін з карыстальнікаў.

"Яно і зразумела, дом стары, і, калі звярнуць увагу, відаць, што фасад паволі сыплецца. Балазе, што не ішлі людзі - такая маса бетону забіла б адразу!", - Напісаў аўтар паведамлення.