Хадаркоўскі абвешчаны ў міжнародны вышук па лініі Інтэрпола

Адпаведная пастанова накіраваная ў цэнтральнае бюро Інтэрпола ў Ліёне.

Лідар расейскай апазіцыі, экс-кіраўнік «ЮКАСа» Міхаіл Хадаркоўскі абвешчаны ў міжнародны вышук праз Інтэрпол у справе аб забойстве мэра Нефцеюганска Уладзіміра Петухова, паведаміла «Интерфаксу» ў чацвер крыніца, знаёмая з сітуацыяй.

«Нацыянальнае бюро Інтэрпола ў Расеі на падставе матэрыялаў, якія паступілі з Генеральнай пракуратуры Расеі і Следчага камітэта РФ, абвесціла Хадаркоўскага ў міжнародны вышук. Адпаведная пастанова накіраваная ў цэнтральнае бюро Інтэрпола ў Ліёне», - сказаў суразмоўца агенцтва.

З яго слоў, цэнтральны офіс Інтэрпола пасля разгляду адпаведнага цыркуляра з расейскага бюро гэтай міжнароднай паліцэйскай арганізацыі павінен уключыць экс-кіраўніка «ЮКАСа» ў спіс шукаемых.

Раней экс-алігарх, які знаходзіцца за мяжой, быў абвешчаны ў федэральны вышук Следчым камітэтам Расеі пасля прад'яўлення яму завочнага абвінавачванні ў арганізацыі забойства ў 1998 годзе мэра Нефцеюганска Петухова.

Мэр Нефцеюганска Петухоў быў застрэлены 26 чэрвеня 1998 года па дарозе на працу. ЮКАС тады быў горадаўтваральным прадпрыемствам і ў мэра нібыта паўстаў канфлікт з кампаніяй з прычыны нявыплаты падаткаў у мясцовы бюджэт. Мэр запатрабаваў распачаць супраць кампаніі крымінальную справу. За арганізацыю забойства Петухова быў пажыццёва асуджаны экс-кіраўнік аддзела службы бяспекі «ЮКАСа» Пічугін.

Міхаіл Хадаркоўскі адмаўляе дачыненне да гэтага злачынства топ-мэнэджараў «ЮКАСа».