Нямеччына прадоўжыць дзеянне памежнага кантролю
1- 11.02.2016, 18:57
- 8,435
Урад Нямеччыны хоча падоўжыць дзеянне памежнага кантролю яшчэ на тры месяцы.
Пра гэта заявіў кіраўнік МУС Нямеччыны Томас дэ Мэзьер, паведамляе Deutsche Welle.
Дзеянне ўзмоцненага рэжыму, які заканчваецца ў сярэдзіне лютага, павінна быць прадоўжанае яшчэ на тры месяцы - да 13 траўня.
Са словах Томаса дэ Мэзьер, Нямеччына ўжо паведаміла аб падаўжэнні кантролю Еўракамісіі і краінам Шэнгенскага пагаднення.
"Узмоцнены кантроль - гэта патрэбны элемент кіравання для забеспячэння спарадкаванага ўезду ў краіну і грамадскага парадку", - заявілі ў МУС.
Акцэнт будзе рабіцца на бяспеку на мяжы з Аўстрыяй, з якой Бэрлін ужо ўзгадніў свае дзеянні.
Нагадаем, 13 верасня 2015 года ў Нямеччыне ўпершыню заявілі аб вяртанні да часовага кантролю на межах праз небывалы наплыў уцекачоў.