СКА падолеў «Вінтэртур» у кубку ЕГФ

У стартавым матчы групавога раўнда Кубка ЕГФ менскі СКА падолеў швайцарскі «Вінтэртур».

Паядынак праходзіў у абноўленым Палацы спорту «Уручча», у якім армейцы дамагаліся самых знакавых перамог у сваёй гісторыі, пры гучнай падтрымцы шматлікіх заўзятараў. Гульня складвалася для гаспадароў няпроста, аднак яшчэ ў першым тайме менчукі сфармавалі невялікую перавагу, якую ім удалося не расплюхаць да фінальнай сірэны.

Наперадзе ў камандзе Спартака Мірановіча два выезды - у Францыю і Данію. А затым СКА зноў вернецца на легендарную арэну, паведамляе «Прессбол».

СКА: Кулеш (9), Каралёк (5), Хадкевіч (5), Броўка (4), Бачко (3), Вайлупаў (3), Падшывалаў (1), Пацыкайлік (1).

«Вінтэртур»: Хес (7), Сідаровіч (7), Гаврановіч (5), Тыноўскі (2), Верн’е, Селястэн (1), Фрайфогель (1), Лір (1), Шойнар (1).