ПДВ Расеі правядуць вучэнні ля межаў краінаў Балтыі
5- 14.02.2016, 13:33
- 35,799
Міністэрства абароны Расеі абвясціла аб правядзенні вучэнняў паветрана-дэсантных войскаў у Пскоўскай вобласці, якая мяжуе з Эстоніяй і Латвіяй.
Вучэнні ПДВ пройдуць ад 15 да 20 лютага.
«У вучэннях будуць удзельнічаць блізу 2,5 тысячы дэсантнікаў і больш за 300 адзінак бранятанкавай, аўтамабільнай і спецыяльнай вайсковай тэхнікі», - гаворыцца ў заяве міністэрства, паведамляе Расейская служба ВВС.
Некалькі дзён таму міністры абароны краін NATO ўхвалілі план умацавання абароны ў краінах Усходняй Еўропы, занепакоеных пагрозай з боку Расеі.
Усходнееўрапейскія краіны сябры NATO, асабліва краіны Балтыі, выказваюць занепакоенасць спробамі Расеі, як яны мяркуюць, дэстабілізаваць становішча ў рэгіёне.
Раней сайт charter97.org паведамляў, што прэзідэнт Польшчы Анджэй Дуда выказаўся за пастаянную і прыкметную прысутнасць інфраструктуры і войскаў NATO ў Польшчы ў процівагу расейскай агрэсіўнай палітыцы.