Адміністрацыя «Камароўкі» прымушае ІП прадаваць непатрэбную прадукцыю?

Давядзенні, рэгуляванні і нормы даўно сталі неад'емнай часткай беларускай эканомікі.

«Адміністрацыя Камароўскага рынку кожнай бакалейнай краме на сваёй тэрыторыі навязвае куплю 50 кг беларускіх макаронаў і 10 кг хлябцоў. Калі не згодныя, то просяць пісьмовую адмову і папярэджваюць аб раптоўным з'яўленні праблем», - публікуе ліст чытача сайт onliner.by, прыклаўшы фота ліста.

Папера прыйшла з Галоўнай управы спажывецкага рынку кіраўніку Камароўскага рынку. Аб прыватніках у ёй ні слова, на гэта і звяртае ўвагу адпраўнік і атрымальнік лісты.

Давядзенні, рэгуляванні і нормы даўно сталі неад'емнай часткай беларускай эканомікі. Калі айчынны вытворца сам не дацягвае, яго падштурхнуць да паліцы крамы супольнымі намаганнямі. Самым вольным у гэтым ланцужку застаецца пакупнік - пакуль што яму не кажуць, што купляць.

Паводле інфармацыі чытача, бакалейным крамам настойліва прапануюць купіць макароны і перапечкі.

Дакумент падпісаны першым намеснікам начальніка ГУПР.

- Так, ліст адпраўлялі на Камароўскі рынак - гэта ўнітарнае прадпрыемства. Пры чым тут арандатары? На рынку ёсць сталовая, гандлёвыя месцы - ім і распісваем, - распавяла Таццяна Баршчэўская, начальніца харчовага аддзела ГУПР.

У адміністрацыі Камароўскага рынку растлумачылі, што паперу прыватнікам адправілі «з добрых намераў».

- Абсалютна ніхто арандатараў не прымушае. Аб'ёмы даведзеныя Камароўскаму рынку, - удакладніла Анжэла Барановіч, начальніца службы арганізацыі рыначнага гандлю прадпрыемства. - Гэтая папера трапіла да арандатараў з добрых намераў - у ёй пазначаныя тэлефоны арганізацый-вытворцаў і аптовых прадаўцоў. Да іх можна звяртацца ў выпадку зацікаўленасці. Аб'ёмы макаронаў і хлябцоў невялікія. У нас працуе комплекс грамадскага харчавання - будзем прадаваць гэтыя тавары праз яго.