Беларусы сталі менш ездзіць на закупы ў Літву
23- 6.02.2016, 9:27
- 29,326
Грошай на падарожжы і куплю тавараў праз дэвальвацыю і рост коштаў у беларусаў стала яшчэ менш.
У найбольшай ступені змяншэнне плыні кліентаў адчуваюць у Літве прадаўцы адзення і курортны бізнэс, паведаміла літоўская дзелавая газета Verslo zinios, піша DELFI.
«Асноўнай прычынай, праз якую Apranga не ўдалося летась дасягнуць запланаванага росту абароту, была раптам зніжаная плынь пакупнікоў з краін СНД, адпаведна суме, якую яны трацілі звычайна», - заявіў кіраўнік літоўскай групы - аператара крамаў адзення розных марак Apranga Рымантас Первеняцкас.
Дырэктарка кампаніі Baltika Lietuva Вікторыя Кралітэ адзначае, што, паводле падлікаў кампаніі, у 2015 годзе сукупная плынь пакупнікоў не з краін ЕЗ абрынулася на 23% - колькасць беларускіх пакупнікоў скарацілася на 18%, расейскіх - на 44%.
Найбольш значнае скарачэнне фіксавалася на пачатку мінулага года і ў снежні.