Італьянец падаў у суд на жонку праз нежаданне гатаваць
30- 6.02.2016, 10:23
- 18,253
Жанчыну абвінавацілі ў жорсткасці да ўласнай сям'і.
Жыхар правінцыі Лацыё на захадзе Італіі падаў у суд на сваю жонку праз яе няздольнасць добра гатаваць і падтрымліваць чысціню ў доме, піша Lenta.ru.
Жанчыну абвінавацілі ў жорсткасці да ўласнай сям'і. 40-гадовая італьянка можа быць асуджаная на тэрмін да шасці гадоў.
47-гадовы муж заявіў, што ўжо больш за два гады пакутуе ад няздольнасці жонкі спраўляцца з хатнімі справамі.
З ягоных слоў, яна выганяла яго са спальні, і ён быў «вымушаны жыць у антысанітарных умовах». Акрамя таго, мужчына скардзіцца, што прадукты, якія ён купляе, даводзіцца выкідваць, бо жонка іх псуе.