Асноўная версія трагедыі ў Барысаве - атручэнне чадным газам

Атручэнне чадным газам з'яўляецца галоўнай версіяй прычыны гібелі шасці чалавек у Барысаве 27 студзеня.

Пра гэта паведаміў журналістам старшыня Следчага камітэта Беларусі Іван Наскевіч, паведамляе grodno24.com.

Са слоў прадстаўніка ўстановы, пакуль усе факты паказваюць на дзеянне чаднага газу, які ўтварыўся праз нястачу кіслароду і дрэнныя выцяжкі.

У выніку здарэння ў шматкватэрным доме загінулі дзве сям'і. Для таго каб такое больш у нашай краіне не паўтарылася, спецыялістам даручана праверыць газавае абсталяванне такога тыпу ва ўсёй Беларусі, як у няшчасным доме ў Барысаве.

Следства доўжыцца. Паводле адной з версій, прычына ўтварэння чаднага газу звязана з газавымі калонкамі. Вынікі іх праверак дазволяць даведацца больш.