Украінскія валанцёры знайшлі ў баявікоў дзве расейскія ўстаноўкі «Град»

Усяго было заўважана шэсць машын рэактыўнай сістэмы залпавага агню.

На аснове відэа вучэнняў баевікоў пад Тарэзам у раёне населенага пункта Мануілаўка валанцёры супольнасці InformNapalm ідэнтыфікавалі расейскія ўстаноўкі «Град».

Усяго было заўважана шэсць машын рэактыўнай сістэмы залпавага агню. Дзве з іх - баявыя машыны 2Б26 Град на базе КАМАЗ - не лічацца на ўзбраенні ўкраінскага войска. Валанцёры адзначаюць, што адна такая ўстаноўка ўжо была заўважаная ў Данецку.

Усе ўстаноўкі знаходзяцца на адлегласці больш за 35 км ад лініі размежавання, што фармальна не парушае менскіх дамоўленасцей. Але валанцёры нагадваюць, што марш і выхад на дыстанцыю атакі можа быць праведзены цягам некалькіх гадзін.