Двух супрацоўніц кавярні ў Слуцку знайшлі мёртвымі

Крымінальная справа распачатая паводле факта службовай нядбайнасці, следчыя адпрацоўваюць усе версіі.

Галоўным следчым управы Следчага камітэта высвятляюцца абставіны гібелі двух жанчын, целы якіх былі знойдзены ў пятніцу ў памяшканні харчаблока адной кавярні Слуцка, паведамляе «Интерфакс».

«У мэтах ўсебаковага і поўнага высвятлення ўсіх абставінаў здарэння на месцы працуюць следчыя цэнтральнага апарата Следчага камітэта, а таксама спецыялісты Дзяржаўнага камітэта судовых экспэртыз», - паведаміла журналістам афіцыйная прадстаўніца Следчага камітэта Юлія Ганчарова.

З яе слоў, разглядаюцца розныя версіі таго, што адбылося, у тым ліку атручэнне чадным газам.

«Учора кавярня працавала на спецзаказ, жанчыны гатавалі ежу для мерапрыемства», - патлумачыла Ганчарова.

Паводле факта службовай халатнасці, якая прывяла да гібелі двух чалавек, распачатая крымінальная справа паводле арт. 428 Крымінальнага кодэкса Рэспублікі Беларусь.

Старшынём Следчага камітэта яна ўзятая на асабісты кантроль, роўна як і трагедыя ў Барысаве, дзе ад атручвання чадным газам загінулі дзве сям'і з дзецьмі.

«Цяпер следчымі працягваецца агляд, вывучаецца канфіскаваная тэхнічная дакументацыя, дапытваюцца сведкі. Прызначаныя экспэртныя даследаванні», - распавяла Ганчарова.