Фотафакт: Чалавек «прагуляўся» па аблоках на вышыні 10 тысяч метраў

Ірландзец зрабіў унікальны і дзіўны фотаздымак.

Мэнэджарам у вобласці праграмнага забеспячэння 30-гадовы ірландзец Нік О'Донахью ляцеў з Аўстрыі ў Лондан. Як звычайна палёт праходзіў сумна. Аднак у адзін момант усё змянілася. Цяпер гэты ваяж, які праходзіў на вышыні 10 тысяч метраў, ён не забудзе ніколі.

Вось, як піша lifter.com.ua, што ўспамінае Нік: «Я ляцеў дадому пасля рабочай паездкі ў Аўстрыю. У суседнім шэрагу ляцелі нейкія студэнты, якія балбаталі як вар'яты. Я глядзеў у акно і тут убачыў гэтую фігуру. У яе вызначана былі канкрэтныя абрысы».

Ірландзец, які не паверыў уласным вачам папрасіў, якая сядзела побач дзяўчыну паглядзець у ілюмінатар. І яна, са слоў О’Данах’ю, таксама была здзіўленая. Затым самалёт заляцеў за воблака, і карцінка знікла. Перад гэтым ірландзец паспеў зрабіць пару фотаздымкаў.

«Усё гэта мы назіралі дзесьці цягам двух хвілін. Для мяне гэты аб'ект быў вельмі падобны на чалавека, але, шчыра кажучы, я паняцця не маю, што гэта было. Мне ў каментарах пісалі, што гэта верхні пласт аблокаў, якія знаходзіліся вельмі шчыльна адзін да аднаго. Але ад таго, што ўбачыў, я ачмурэў так, што ніколі не паверу, што гэта былі проста аблокі. Занадта слабенькае тлумачэнне», - паведаміў малады мужчына.