У Аўстрыі сышла лавіна: пяць чалавек загінулі
- 6.02.2016, 20:22
- 38,826
Пяць лыжнікаў з Чэхіі сталі ахвярамі лавіны ў аўстрыйскім Тыролі.
Як паведамляе мясцовая паліцыя, пад снежнай масай, якая сышла з гор, адначасова апынуліся 12 чалавек, паведамляе расейская служба BBC.
Са слоў прадстаўніка мясцовай паліцыі Гэльмута Шойца, інцыдэнт адбыўся ў даліне Ватэнталь за 40 кіламетраў на паўднёвы ўсход ад Інсбрука.
Даліна цэнтральнага Тыроля вельмі папулярныя сярод аматараў зімовых тыпаў спорту.
Лавіны ў Альпах - нярэдкая з'ява. Два тыдні таму ў французскай частцы горнага масіву на вучэннях загінулі пяць жаўнераў войска Францыі.