У першым паўфінале ўкраінскага адбору на «Еўравізію» перамагла песня аб дэпартацыі крымскіх татараў

Спявачка Джамала заняла першае месца ў першым паўфінале ўкраінскага адбору на Еўравізію-2016 з песняй «1944» аб дэпартацыі крымскіх татараў.

Спявачка Джамала заняла першае месца ў першым паўфінале ўкраінскага адбору на Еўравізіі-2016 з песняй «1944» аб дэпартацыі крымскіх татараў, піша «Наша ніва».

Паводле вынікаў галасавання журы (Андрэй Данілка, Руслана і Канстанцін Меладзэ) і тэлегледачоў спявачка заняла першае месца. Журы і гледачы, якія галасавалі ў інтэрнэце і пры дапамозе званкоў і смс-паведамленняў, паставілі спявачцы найвышэйшыя балы - 9.

«Спасибо вам! Дякую! Ви найкращі», - напісала спявачка ў сацсетцы пасля абвяшчэння вынікаў галасавання.

Акрамя таго, за права прэзентаваць Украіну на міжнародным конкурсе ў фінале нацыянальнага адбору будуць таксама змагацца The Hardkiss, Brunettes shoot Blondes, якія ў першым паўфінале занялі 2-е і 3-е месцы.

Другі паўфінал пройдзе 13 лютага. Фінал - 21 лютага.

Пра гісторыю стварэння кампазіцыі Джамала распавяла на сваёй старонцы ў Facebook.

«У мінулым годзе я склала «1944», знакавую для мяне кампазіцыю. На яе напісанне мяне натхніў аповед маёй прабабулі Назыл-хан пра трагедыю, якая адбылася з нашай сям'ёй і з усім крымскататарскім народам у 1944-м. Я кажу пра гвалтоўную дэпартацыю. Мая прабабуля страціла тады адну са сваіх дачок.

На самай справе, тэма гэтай песні блізкая вельмі шматлікім людзям у самых розных краінах свету. Вельмі многія народы перажылі свае жудасныя трагедыі - рэпрэсіі, дэпартацыі і генацыд. І, на жаль, людзі дагэтуль не навучыліся мірнаму суіснаванню і талерантнасці.

Для мяне гэта вельмі асабістая песня, і мне б вельмі хацелася, каб мэсэдж, які ў ёй ёсць, пачулі як мага больш людзей і ў нашай краіне, і за яе межамі», - напісала спявачка.

Прыкладны тэкст песні па-беларуску:

Калі прыходзяць незнаёмцы ...

Яны прыходзяць у твой дом,

Яны забіваюць вас усіх і кажуць

«Мы не вінаватыя..., не вінаватыя»

Дзе ваш розум?

Чалавецтва плача

Вы думаеце, што вы багі,

Але ўсе паміраюць,

Не глытайце маю душу,

Нашы душы.

Я не магла правесці сваю маладосць там,

Таму што вы забралі мой свет.

Мы маглі б пабудаваць будучыню,

Дзе людзі свабодна жывуць і любяць,

Шчаслівыя часы...

Дзе вашыя сэрцы?

Чалавецтва, квітней.

Вы думаеце, вы багі,

Але людзі паміраюць.

Не глынайце маю душу,

Нашы душы

Я не магла правесці сваю маладосць там,

Таму што вы забралі мой свет