У Маскве чачэнцы штурмавалі будынак юрыдычнай фірмы

Больш за 30 ураджэнцаў Чачэніі са зброяй спрабавалі ўварвацца ў будынак на ўсходзе Масквы.

Падчас страляніны былі параненыя. Адзінаццаць затрыманых прыцягнулі пакуль толькі да адміністрацыйнай адказнасці, паведамляе «Росбалт».

АУС «Багародскі» распачаў крымінальную справу паводле факту масавай бойкі, што адбылася на ўсходзе сталіцы. Больш за 30 ураджэнцаў Чачэніі са зброяй штурмам спрабавалі ўзяць размешчаны там будынак. Падчас страляніны былі параненыя. Адзінаццаць затрыманых прыцягнулі пакуль толькі да адміністрацыйнай адказнасці.

Як распавёў адзін з відавочцаў падзей, пад 09:00 3 лютага супрацоўнікі адной са сталічных юрыдычных фірмаў праводзілі аўдыт дакументацыі кампаніі, якая валодае комплексам будынкаў на вуліцы Андрэева-Забелінскай, 35. Там размешчаныя станцыя тэхнічнага абслугоўвання аўтатранспарту і двухпавярховы канторскі будынак. Комплекс абгароджаны цагляным парканам. Цяпер вакол памяшканняў, якія знаходзяцца пад закладам, ідзе цяганіна ў арбітражных судах. Аднак падзеі аўторка былі далёкія ад юрыспрудэнцыі.

«Нечакана з усіх бакоў праз паркан сталі пералазіць дзясяткі дзецюкоў (не менш за 30 чалавек), з бітамі, арматурай і пісталетамі, - распавёў суразмоўца агенцтва. - Пазней высветлілася, што ўсе яны з'яўляюцца выхадцамі Чачэніі. Апынуўшыся на тэрыторыі, малойчыкі кінуліся на супрацоўнікаў аховы. Аднаго з іх паклалі ўдарам бейсбольнай біты па галаве, іншых пачалі збіваць. Адначасова нападнікі паспрабавалі ўварвацца ў будынак, але дзверы былі замкнёныя. Тады яны пачалі страляць па вокнах і дзвярах. Пачаўся сапраўдны штурм. Падзеі нагадвалі баявую аперацыю, кулі даслоўна свісталі паўсюль, былі параненыя».

Бойка працягвалася датуль, пакуль на месца не прыбылі супрацоўнікі паліцыі. Блізу 20 зламыснікаў паспелі ўцячы, затрымаць здолелі толькі 11 нападнікаў, якія прадбачліва паспелі пакідаць зброю. На месцы была знойдзена вялікая колькасць траўматычных пісталетаў і баявы ПМ з глушыльнікам. Уся зброя адпраўленая на экспэртызу.

Падчас бойкі пацярпелі блізу дзесяці чалавек, траіх з якіх давялося шпіталізаваць. Так, адзін мужчына атрымаў сур'ёзную агнястрэльную рану ў спіну.

У АУС «Багародскім» высветлілася, што ўсе затрыманыя з'яўляюцца выхадцамі Чачэніі, а ў Маскве займаюцца тым, што надаюць фізічную падтрымку пры «спрэчках гаспадарчых суб'ектаў». Кіруюць гэтай групай трое братоў, адзін з якіх, са слоў суразмоўцы агенцтва, загадкавым чынам знік з аддзела паліцыі.

Ва ўсіх затрыманых узялі адбіткі пальцаў, аднак у камеры яны правялі менш за дзень. Ужо 4 лютага раніцай маладзёнаў адпусцілі на волю, склаўшы на іх акты за адміністрацыйныя правапарушэнні. Праўда, паводле факту бойкі была распачатая асобная крымінальная справа паводле артыкулаў КК РФ 222 (незаконнае захоўванне зброі) і 213 (хуліганства). Пасля правядзення экспэртызы «пукавак» дазнавальнікі плануюць высветліць, ці ёсць на іх адбіткі пальцаў ураджэнцаў Чачні або ахоўнікаў комплексу (іх таксама дактыласкапіявалі), і ўжо потым расследаванне можа дайсці да выстаўлення абвінавачванняў.

Крыніца ў праваахоўных органах распавяла, што ў Маскве дзейнічаюць больш за дзесяць груп ураджэнцаў Чачэніі, якія надаюць фізічную падтрымку пры спрэчках гаспадарчых суб'ектаў або пры вяртанні пазык.

«Калі гаворка ідзе пра вялікія аб'екты нерухомасці і сумы звыш $2 млн, то да гэтых спраў далучаюцца «сур'ёзныя» хлопцы. Яны не бегаюць з бітамі: бізнэсоўцаў дастаўляюць у «Прэзідэнт-Гатэль», гатэлі «Золотое кольцо» або «Корстан» (былы «Орлёнок»), дзе ім усё папулярна тлумачаць. Некаторыя камерсанты проста ў гэтых гатэлях перапісваюць сваю маёмасць у прысутнасці спецыяльна выкліканых натарыюсаў».

Са слоў суразмоўцы агенцтва з праваахоўных органаў, калі гаворка ідзе пра спрэчкі за не вельмі вялікія аб'екты, як будынак на вуліцы Андрэева-Забелінскай, то для гвалтоўных дзеянняў існуюць групы з менш уплывовых, чым насельнікі трох гатэляў, ураджэнцаў Чачэніі. Часцей за ўсё гэтыя групы маюць некалькі кіраўнікоў, а шараговыя байцы працуюць вахтавым метадам: з каўказскіх рэспублік прыязджаюць некалькі дзясяткаў чалавек, прыкладна паўгода ўдзельнічаюць у захопах, потым з'язджаюць дадому, а на змену ім прыбываюць іншыя дзецюкі.

Канкурэнцыю апошнім групам складаюць футбольныя фанаты, якія таксама актыўна прыцягваюцца для гвалтоўнага развязання спрэчак вакол аб'ектаў нерухомасці. Што характэрна, часам фанаты і выхадцы з Паўночнага Каўказа нават могуць разам браць удзел у «штурмах» будынкаў. Так, напрыклад, было ў 2013 годзе пры захопе адной з рэстарацый каля метро «Павялецкая».

«Зазвычай «атака» прычыняецца да бойкі паміж «наймітамі» і ахоўнікамі, якія ахоўваюць памяшканне. Бывае, што выкарыстоўваюць біты, арматуры. Выпадкаў, калі выкарыстоўвалася зброя, ды яшчэ баявая, даўно ўжо не было», - адзначыла крыніца.