Ля берагоў Эстоніі затануў расейскі буксір

У тэрытарыяльных водах Эстоніі затануў расейскі буксір «Вега», які ішоў на буксіры за адным буксірным суднам - «Зубр».

Пра гэта 8 лютага паведаміла Эстонская тэлевізія са спасылкай на Дэпартамент паліцыі і памежную ахову. Людзей і паліва на патанулым буксіры «Вега» не было, паведамляе РБК.

Паводле інфармацыі ўстановы, вечарам 6 лютага талінскі марскі выратавальны цэнтр атрымаў сігнал бедства ад экіпажа «Зубра». Маракі паведамілі, што яны цягнулі на буксіры з Кронштадта ў Калінінград судна «Вега», і яго моцным ветрам аднесла ў тэрытарыяльныя воды Эстоніі за 10 км ад паўвыспы Кыпу.

Праз шторм «Зубр» спыніў пошукі «Вегі» і вярнуўся ў Кранштат.

На пошукі «Вегі» выйшаў карабель эстонскай берагавой аховы, але праз моцны шторм ён не змог знайсці зніклы буксір і быў вымушаны прыпыніць пошукі да наступнага дня. Раніцай 7 лютага быў знойдзены аварыйны буй. Прагледзеўшы мора вартаўнічы карабель і гелікоптэр памежнікаў таксама не змаглі выявіць «Вегу».

«Мы ўпэўненыя, што буксір «Вега» затануў, месца катастрофы вядомае. Чаму буксір «Зубр» страціў судна, пакуль невядома, абставіны справы высвятляюцца. У кожным выпадку, гэта інцыдэнт са шчаслівай выпадковасці, не пацягнуў за сабой чалавечых ахвяр і не стаў пагрозай для навакольнага асяроддзя», - заявіў старшына марскога выратавальнага цэнтра Івара Трефнэра.

Паводле ягоных слоў, пошукі расейскага буксіра будуць прадоўжаныя пад вадой з выкарыстаннем гідраграфічная судна.