Аўтар кнігі «Як я захаваў шлюб» правядзе рэшту жыцця ў турме за забойства жонкі
5- 9.02.2016, 16:26
- 28,136
У ЗША аўтара Дэрэка Медыну прысудзілі да пажыццёвага зняволення за забойства жонкі Джэніфер у 2013 годзе.
Тры гады таму Дэрэк Медына расстраляў жонку з пісталета, выпусціўшы ў яе ўсю абойму і размясціў здымак забітай жанчыны з подпісам: «Я сяду ў турму ці мяне пакараюць смерцю за забойства жонкі. Хлопцы, я вас люблю. Беражыце сябе, глядзіце на мяне ў навінах». Пра гэта паведамляе сайт naviny.by.
На фатаграфіі жанчына стаяла на каленях, уткнуўшыся ілбом у сцяну.
Сваю віну Медына прызнаў толькі часткова і заявіў, што ўчыніў забойства ў мэтах самаабароны. З ягоных слоў, яна пагражала яму нажом.
Сямейны канфлікт пачаўся пасля таго, як жонка папрасіла абудзіць яе да пачатку тэлефільма, а Медына забыўся гэта зрабіць. У выніку жанчына зладзіла мужу скандал, які скончыўся трагедыяй.
Аднак суд пастанавіў, што, улічваючы ўдвая меншую вагу жанчыны, нельга кваліфікаваць дзеянні Медыны як самаабарону. Акрамя таго, яго абвінавацілі ў пагардзе бацькоўскімі абавязкамі, бо ў доме знаходзілася малалетняя дачка жонкі ад іншага шлюбу.