Падчас бойкі фанатаў у Менску распылілі пярцовы газ у тралейбусе

Пасля матчу 3-га тура чэмпіянату Беларусі «Гарадзея» - «Слуцк» (2:0) у тралейбусе №6 адбылася бойка фанатаў гэтых каманд.

Падчас сутычкі нехта з іх распыліў у салоне газ з пярцовага балончыка.

Пра гэта «Кур'еру» паведаміў адзін з аматараў футбола, які вяртаўся на гэтым тралейбусе з гульні. Ён пажадаў не называць свайго імя.

З яго слоў, прыкладна праз дзесяць хвілін пасля завяршэння сустрэчы каманд (17 красавіка, 17.00) ён сеў у гарадскі транспарт, каб даехаць да чыгуначнага вакзала ў Менску. З ім зайшла і група фанаў «Гарадзеі» - ад шасці да дзесяці чалавек. Праз два-тры прыпынкі (раён вуліцы Сямёнава ў Менску) у тралейбус зайшлі слуцкія фаны. Маладыя людзі ўступілі ў слоўную сварку.

Для высвятлення стасункаў госці са Слуцка заклікалі гарадзейцаў пакінуць тралейбус, тыя ў адказ пачалі адштурхоўваць «калегаў» нагамі. «Праз ўсяго гэтага спалохаліся пасажыры. Некаторыя з іх пачалі выкрыкваць: «Ды што ж то вы робіце!» - распавёў жыхар Слуцку, які быў сведкам таго, што адбывалася.

Падчас сваркі нехта распыліў газ з пярцовага балончыка, таму частка пасажыраў, адкашліваючыся, пакінула салон. Тралейбус працягнуў рух па маршруце разам з фанатамі з Гарадзеі.