Пад Менскам «Жыгулі» сутыкнуліся з трактарам: кіроўца легкавіка загінуў
1- 19.04.2016, 11:10
- 6,782
Аварыя адбылася 18 красавіка каля вёскі Язоўкі Чэрвеньскага раёна.
Кіроўца «Жыгулёў» загінуў пасля сутыкнення з трактарам у Чэрвеньскім раёне, паведаміла БелТА старшая інспектарка агітацыі і прапаганды спецпадраздзялення ДПС «Страла» МУС Вольга Амінава.
Аварыя адбылася каля вёскі Язоўкі днём 18 красавіка. За стырном «Жыгулёў» знаходзіўся 32-гадовы мянчук. Паводле невядомых прычын ён выехаў на сустрэчную паласу, дзе ўрэзаўся ў трактар з прычэпам.
У выніку ДТЗ жыхар сталіцы атрымаў траўмы і быў дастаўлены ў бальніцу. Менш чым праз гадзіну ён памёр.