У Сірыі разбіўся вайсковы самалёт

У Сірыі на паўднёвы захад ад Дамаска разбіўся вайсковы самалёт.

Пра гэта паведамляе маніторынгавая арганізацыя Syrian Observatory for Human Rights.

Ці быў самалёт збіты, ці ён пацярпеў катастрофу праз тэхнічныя непаладкі, няясна. Лёс пілота таксама застаецца невядомы, піша «Медуза» са спасылкай на Yahoo News.

Перад катастрофай самалёт пралятаў над абшарам, які кантралюе «Ісламская дзяржава».

Прадстаўнік расейскай авіябазы Хмэймім паведаміў агенцтву «Інтэрфакс», што ўсе расейскія самалёты знаходзяцца на базе, заданняў каля Дамаска і яго прадмесцяў 22 красавіка яны не выконвалі.