У цэнтры Менска гарэла кавярня
2- 26.04.2016, 10:34
- 6,431
Прычынай пажару ў кавярні «Тэатра» стаў алей, які загарэўся ў фрыцюрніцы.
Пра гэта сайту charter97.org паведамілі ў Менскай гарадской управе Міністэрства надзвычайных сітуацый.
Інцыдэнт у менскай кавярні «Тэатра», размешчанай на вуліцы Багдановіча, 6, адбыўся 25 красавіка а 18.00. Пажарныя высветлілі, што алей успыхнуў у фрыцюрніцы 2002 года выпуску, затым сталі тлець тлушчавыя адклады ў вентыляцыйным корабе ў кухні кавярні.
Спрацавала аўтаматычная пажарная сігналізацыя. Спецыялісты высвятляюць прычыну таго, што адбылося. Як мяркуецца, ёю стала парушэнне правілаў эксплуатацыі электрасетак і электраабсталявання. Ніхто з наведвальнікаў і персаналу ўстановы не пацярпеў.