У ліцейным цэху Менскага аўтазавода загінуў рабочы

Трагедыя адбылася ўдзень 26 красавіка падчас рамонту печы.

Чытачы партала tut.by паведамілі аб гібелі рабочага на вытворчасці МАЗ у Менску. Паводле папярэдняй інфармацыі, інцыдэнт адбыўся ўдзень 26 красавіка ў ліцейным цэху падчас рамонту печы.

На месцы працуе следча-аператыўная група. Падрабязнасці ўдакладняюцца.

Нагадаем, гэта не першы трагічны выпадак у ліцейных цэхах беларускіх заводаў.

У студзені 2014 года на МТЗ падчас рамонту індукцыйнай печы загінуў 45-гадовы рабочы. Работы праводзіліся з выкарыстаннем лёгкаўзгаральнага складу - ён успыхнуў ад іскры печы. Мужчына памёр у рэанімацыі ад вельмі цяжкіх апёкаў.

Там жа, у цэху ў 2009 годзе загінула ад апёкаў расплаўленым металам кранаўшчыца. Трагедыя адбылася, калі па манарэйцы рухаўся падвесны вазок, які перавозіў расплаўлены метал. Апошні сышоў з рэйкі, зваліўся на падлогу цэха і перакуліўся. У выніку машыністка атрымала 100% апёкаў цела і праз некалькі гадзін памерла ў лякарні.