Ноччу ў Буда-Кашалёўскім раёне загарэлася бытоўка з дрывасекамі
4- 27.04.2016, 11:05
- 11,688
Трое мужчын здолелі самастойна выбрацца, адзін загінуў.
Пажар у бытоўцы пачаўся 26 красавіка бліжэй да поўначы. У ёй знаходзілася брыгада з чатырох чалавек, якая займалася нарыхтоўкай лесу ля вёскі Васільполле. Трое мужчын здолелі самастойна выбрацца з ахопленага агнём памяшкання, атрымаўшы пры гэтым апёкі рознай цяжкасці, паведамляе БелТА.
Мясцовы жыхар, які заўважыў пажар, выклікаў ратавальнікаў і адвёз пацярпелых у бальніцу. Пры ліквідацыі пажару ратавальнікі выявілі цела мужчыны 1976 года нараджэння, які працаваў вальшчыкам.
Цяпер высвятляецца прычына ўзгарання. Версія кароткага замыкання электраправодкі не разглядаецца, бо бытоўка не была электрыфікавана.