У Лідскім раёне масава адключылася электрычнасць
2- 28.04.2016, 10:04
- 12,655
Увечары 27 красавіка ў Лідскім раёне знікла электрычнасць.
Пра гэта паведамляе прэс-служба МНС Беларусі.
Абясточанымі апынуліся 10 вёсак і горад Бярозаўка. Больш за 10 000 чалавек засталіся без святла. У школах і бальніцах, на шклозаводзе «Нёман» таксама перапынілася падача электраэнэргіі.
Для забеспячэння электраэнэргіяй цэхі прадпрыемства ў вытворчасці шклаваты меркавалася выкарыстоўваць перасоўны генератар, але ён не спатрэбіўся.
22:05 падача электрычнасці аднавілася. Прычына адключэння пакуль не высветлена.