Генпракурор аб «прафесійнай помсце» Шуневіча: Гэта яго асабістая справа

Аляксандр Канюк уважае асабістай справай выказванні міністра ўнутраных спраў Беларусі Ігара Шуневіча аб «прафесійнай помсце» супрацоўнікаў ДАІ байкерам.

«Я не магу каментаваць выказванні калегі (Шуневіча - рэд.) аб прафесійнай помсце, гэта яго асабістая справа», - заявіў генпракурор журналістам у чацвер, адказваючы на пытанні аб тым, як ён расцэньвае выказванне Шуневіча пра тое, што ў дзеяннях супрацоўнікаў ДАІ былі элементы прафесійнай помсты байкерам.

Пасля рэзананснага ДТЗ у Менску, у якім пацярпелі матацыкліст і які спрабаваў яго спыніць супрацоўнік ДАІ, байкеры пачалі паведамляць пра выпадкі канфіскацыі матацыклаў. Паводле інфармацыі ДАІ, матацыклы маглі адправіць на штрафстаянку праз сур'ёзныя парушэнні або адсутнасць пасведчання кіроўцы ў байкера.

Міністр унутраных спраў Ігар Шуневіч, у сваю чаргу, адказваючы на пытанні журналістаў на мінулым тыдні, не выключыў, што такія дзеянні ДАІ - прафесійная помста з боку Дзяржаўтаінспекцыі.

У мінулую нядзелю Шуневіч узяў удзел у адкрыцці байкерскага сезона ў Менску, прыехаўшы на мерапрыемства на Harley-Davidson, якія, з яго слоў, будуць выкарыстоўвацца супрацоўнікамі ДАІ ў адмысловым мотападраздзяленні.