Актывістку ўсю ноч пратрымалі ў камеры, каб не пусціць на «Чарнобыльскі шлях»

Мянчанка Наталля Саматыя 26 красавіка была спыненая ў метро супрацоўнікамі аховы і затрыманая пасля агляду рэчаў.

Наталля Саматыя ехала на дазволеную ўладамі акцыю «Чарнобыльскі шлях» і везла з сабой выраблены ўласнаручна плакат-расцяжку. Ён быў канфіскаваны, а жанчыну, якая мае сур'ёзнае захворванне, даставілі ў аддзяленне міліцыі, дзе ноч пратрымалі ў камеры.

Раніцай быў складзены пратакол адміністрацыйнага правапарушэння, паведамляе сайт spring96.org.