Прадстаўнікі МЗС Даніі сустрэліся з беларускімі праваабаронцамі
- 28.04.2016, 17:55
- 8,754
Сустрэча адбылася 28 красавіка ў офісе ПЦ «Вясна».
28 красавіка ў офісе праваабарончага цэнтра адбылася сустрэча з прадстаўнікамі МЗС Даніі на чале з кіраўніком Дэпартамента еўрапейскага добрасуседства Уфэ Балслевам, паведамляе ПЦ «Вясна».
У размове з кіраўніком арганізацыі Алесем Бяляцкім замежныя госці абмеркавалі сітуацыю з правамі чалавека ў Беларусі.
Афіцыйны візіт дэлегацыі МЗС Даніі ў Беларусь праходзіць 28 - 29 красавіка. Заўтра чальцы дэлегацыі правядуць сустрэчы з прадстаўнікамі беларускага замежнапалітычнага міністэрства.