Дэйв Льюіс: У кожным наступным матчы мы павінны гуляць лепш, чым у папярэднім

Настаўнік нацыянальнай каманды Беларусі ў хакеі расказаў пра падрыхтоўку да чэмпіянату свету, які стартуе ў траўні.

Пра гэта Дэйв Льюіс распавёў у інтэрв'ю "Прессболу".

- Якое пытанне, што тычыцца нашай каманды, апошнія дні цікавіць вас больш за ўсё?

- Як дамагчыся таго, каб у кожным наступным матчы мы гулялі лепш, чым у папярэднім. Сённяшні вячэрні двубой з камандай Нямеччыны ў гэтым сэнсе будзе паказальным: нам будзе супрацьстаяць вельмі сур'ёзны спаборнік. Цікава, як справяцца нашыя хлопцы. Асабліва тыя нашыя абаронцы, якім ледзьве за дваццаць.

- Трэба думаць у ідэале вы жадалі б, каб у матчах з немцамі каманда ўжо паказала тую гульню, якую павінна паказваць на чэмпіянаце свету?

- Менавіта так. І менавіта гэта толькі што сказаў хлопцам на лёдзе напрыканцы раскаткі. Ужо праз тыдзень нас чакае двубой з Фінляндыяй, потым - з ЗША.