Сёння ў Беларусі будзе да +18°C
- 30.04.2016, 10:21
- 8,451
Беларускія сіноптыкі абяцаюць у апошні красавіцкі дзень зменлівую хмарнасць, пераважна без ападкаў.
Як адзначылі ў Гідраметцэнтры краіны, толькі ў паўднёва-заходніх раёнах Беларусі пройдуць дажджы, месцам прагрымяць навальніцы.
Вецер няўстойлівы 4-9 м/с, пры навальніцах парывы да 14 м/с. Тэмпература паветра максімальная ўдзень +12..+18°C, на паўднёвым захадзе +8..+11°C.
У Менску істотных ападкаў не чакаецца. Вецер няўстойлівы 4-9 м/с. Тэмпература паветра максімальная ўдзень +13..+15°C.