У Каліфорніі адбыліся сутычкі паміж прыхільнікамі і апанентамі Трампа
2- 30.04.2016, 10:53
- 11,246
Інфармацыі аб пацярпелых пакуль няма.
Амаль 20 чалавек арыштаваныя ў горадзе Коста-Меса (штат Каліфорнія, ЗША) пасля сутыкненняў, якія адбыліся паміж прыхільнікамі Дональда Трампа і ягонымі апанентамі, паведаміў у пятніцу брытанскі тэлеканал Sky News.
Аб пацярпелых не паведамляецца. Спачатку пратэсты мелі мірны характар, аднак затым сітуацыя напалілася. Пратэстоўцы перацялі дарогі, некаторыя размахвалі мексіканскімі сцягамі.
Трамп вядомы жорсткай пазіцыяй у іміграцыйным пытанні. Ён параўноўваў імігрантаў з атрутнымі змеямі, заклікаў усталяваць сцяну на мяжы з Мексікай на прыклад таго, як Ізраіль стварыў агароджу на Заходнім беразе ракі Ярдан.
Пакуль Трамп - фаварыт у барацьбе за вылучэнне кандыдатам на пасаду прэзідэнта ад Рэспубліканскай партыі. Вылучэнне кандыдатам у прэзідэнты на партыйным з'ездзе ў ліпені гарантавана ў выпадку, калі кандыдат набярэ 1237 галасоў. Правядзенне 58-ых выбараў прэзідэнта ЗША запланаванае на 8 лістапада 2016 года.