Расея перакінула на Данбас новыя танкі і боепрыпасы
8- 30.04.2016, 14:43
- 19,017
Расея перакінула на акупаваную тэрыторыю Луганскай вобласці 24 танкі і 320 тон боепрыпасаў.
Як паведамляе Галоўная ўправа разведкі Мінабароны Украіны, 29 красавіка з тэрыторыі РФ прыбылі:
у Луганск - 24 танкі (пасля рамонту);
у Ізварын - 8 вагонаў з боепрыпасамі (320 тон);
у Ровенькі - 1000 тон дызельнага паліва.
Акрамя таго, супраціўнік узмацняе перадавыя падраздзяленні на Данецкам кірунку. Перамешчаныя:
- З боку Макееўкі праз Данецк у паўночным кірунку - гаўбічная батарэя 122-мм гаўбіц Д-30 "5-й асобнай мотастралковай брыгады" (Макееўка), па адным агнявым узводзе са 152-мм гаўбіцы "Мста-Б" і 122-мм рэактыўнымі сістэмамі залпавага агню "Град" "асобнай артылерыйскай брыгады" (Данецк) "1-га армейскага корпуса";
- Праз Макееўку ў заходнім кірунку - да двух танкавых рот "5-й асобнай мотастралковай брыгады".
У прамысловай зоне Аўдзееўка адбылася чарговая ратацыя падраздзяленняў "1-га мотастралковага батальёна 11-га асобнага мотастралковага палка" (Макееўка).