Мемарыял Нямцову разабралі другі раз за дзень

Людзі ў форме з надпісамі «Гормост» прыбралі ад парапета Вялікага Маскварэцкага моста кветкі і здымкі Барыса Нямцова.

Народны мемарыял ля месца забойства сустаршыні партыі РПР-ПАРНАС Барыса Нямцова на Вялікім Маскварэцкім мосце ў Маскве разабралі другі раз за дзень. Як відаць на відэазапісе, змешчаным актывістамі на сайце руху «Нямцоў Мост» уночы ў нядзелю, 1 траўня, некалькі чалавек у бледна-зялёнай уніформе з адбівальнікамі і надпісамі «Гормост» прыбіраюць ад гранітнага парапета моста букеты кветак, падпаленыя агніцы і фатаграфіі апазіцыйнага палітыка .

«На заднім плане некалькі супрацоўнікаў» маскоўскай установы эксплуатацыі і дзейнасці інжынерных збудаванняў трымаюць валанцёра Дзяніса Юдзіна, што пільнаваў ля мемарыяла, паведамляецца на сайце «Нямцоў Мост» са спасылкай на прадстаўніка грамадска-палітычнага руху «Салідарнасць», які знаходзіцца на месцы падзей. На іншым запісе, таксама змешчаным на сайце, відаць, як людзі ў форме «Гормост» адціскаюць маладзёна на праезную частку.

Раніцай 30 красавіка, са слоў актывістаў, ужо рабілася спроба «зачысткі» мемарыяла. Як адзначалася на сайце Kasparov.ru, гэта магло быць звязана з запланаваным перацінаннем руху па мосце ў сувязі з травеньскімі святамі. У сваю чаргу, радыёстанцыя «Эхо Москвы», якая пацвярджае са спасылкай на актывістаў факт новага разбору мемарыяла ўночы 1 траўня, удакладняе, што яго «плануецца аднавіць пасля першатравеньскага шэсця».