У Мазыры на паштальёнку напаў пітбуль

Паштальёнка правяла ў бальніцы два тыдні, і на гэтым лячэнне не скончылася.

Жанчына прынесла ліст у прыватны дом на вуліцы Шчорса ў райцэнтры, адкрыла браму, якая была не зашчэпленая, і на яе накінуўся адзін з двух пітбулеў, якія ахоўвалі сядзібу. Гаспадара ў гэты момант дома не было, паведамляе sb.by.

Жыхары вуліцы, якія пачулі крыкі, прыйшлі на дапамогу да пацярпелай, адціснулі жывёлу, выклікалі хуткую. Жанчына правяла ў бальніцы два тыдні, і на гэтым лячэнне не скончылася. Мясцовы ўчастковы правёў праверку, крымінальная справа не распачатая. Сям'я пацярпелай мае намер звярнуцца ў суд з мэтай кампенсацыі маральнай шкоды.

Як распавялі блізкія паштальёнкі, пітбуль з гэтага ж дома ў мінулым годзе, выбегшы з брамкі на вуліцу, ганяўся за жанчынай. Тады абышлося без пакусаў.

Нагадаем аб тым, што ў Беларусі прадугледжана адміністрацыйная адказнасць за неналежнае ўтрыманне свойскіх жывёл. Да іх уладальнікаў можа быць ужыты штраф ад 10 да 30 базавых велічынь, у крайніх выпадках магчымы і арышт, што вызначае суд на заяву пацярпелага.

Што тычыцца пітбулей, то яны належаць да байцоўскіх парод і могуць уяўляць пагрозу для навакольных пры адсутнасці належнай дрэсіроўкі і кантролю з боку ўладальнікаў.