У цэнтры Вроцлава адбыўся выбух
3- 19.05.2016, 18:58
- 24,675
На аўтобусным прыпынку ў польскім горадзе Вроцлаў адбыўся выбух, у выніку чаго пацярпеў як мінімум адзін чалавек.
Пра гэта паведаміла прэс-служба мясцовай пажарнай аховы, піша Росбалт.
«Мяшок (меркавана, з выбуховай прыладай унутры - рэд.) падклалі ў аўтобус лініі 145, - сказаў прэс-сакратар Вроцлаўскай пажарнай аховы Рэмігіюш Адаманьчык. - Кіроўца аўтобуса вынес яго, пасля чаго адбыўся выбух».
Са слоў відавочцаў, падазроны мяшок з чымсьці падобным да рондалю ўнутры знаходзіўся ў аўтобусе, паведамляе ТАСС. Там яго заўважылі пасажыры. Пра свае перасцярогі яны паведамілі кіроўцу, які спыніў аўтобус і вынес мяшок з дзіўным змесцівам на вуліцу. Пасля гэтага адбыўся выбух.
Мясцовыя праваахоўныя органы высвятляюць абставіны здарэння.