На трасе М6 Volkswagen на велізарнай хуткасці пратараніў УАЗ з вайскоўцамі
2- 2.05.2016, 17:34
- 17,520
Сур'ёзная аварыя адбылася ўдзень 2 траўня на трасе Менск-Гародня.
Кіроўца Volkswagen Sharan ехаў па трасе і недалёка ад з'езду на Ліду на велізарнай хуткасці рэзнуўся ў спадарожны УАЗ вайскоўцаў. Пасля сутыкнення пазадарожнік вылецеў у кювет і некалькі разоў перакуліўся, паведамляе ДАІ Гарадзенскай вобласці.
- На месцы было зразумела, што ў VW ехала п'яная кампанія. Адзін з пасажыраў прызнаўся, што кіроўца гнаў з хуткасцю 190 км/г, нібыта ён прасіў яго ехаць марудней, - распавёў AutoGrodno.by чытач Аляксандр, які быў на месцы ДТЗ.
У ДАІ адзначылі, што паводле папярэдняй інфармацыі, кіроўца і 4 пасажыры VW былі п'яныя.
У выніку ДТЗ двое пасажыраў Volkswagen, а таксама кіроўца і пасажыр УАЗ (апошні вылецеў з аўтамабіля пры перакульванні) атрымалі траўмы рознай ступені цяжкасці і былі дастаўленыя ў лякарню.