Ірына Герашчанка: Пазітыўная пастанова наконт Саўчанкі чакаецца да канца траўня
1- 22.05.2016, 19:31
- 7,857
Прэзідэнт Украіны Пятро Парашэнка трымае гэтае пытанне на асабістым кантролі.
Першая намесніца старшыні Вярхоўнай рады Украіны Ірына Герашчанка заявіла, што пазітыўныя навіны пра лёс украінскай лётчыцы Надзеі Саўчанкі, а таксама асуджаных у Расеі украінцаў Генадзя Афанасьева і Юрыя Салашэнкі чакаюцца да канца траўня. Пра гэта паведамляе «112 Украіна».
«Мы чакаем да канца месяца пазітыўныя навіны з нагоды вызначэння лёсу Надзеі Саўчанкі, а таксама... Юрыя Салашэнкі і Генадзя Афанасьева», - сказала яна.
Герашчанка дадала, што прэзідэнт Украіны Пятро Парашэнка трымае гэтае пытанне на асабістым кантролі.
Раней старшыня камітэта Дзяржаўнай думы Расеі ў міжнародных справах Аляксей Пушкоў заявіў, што абмен украінскай вайскоўкі Надзеі Саўчанкі на асуджаных ва Украіне расейскіх ГРУшнікаў Аляксандра Аляксандрава і Яўгена Ерафеева адбудзецца дзвюма асобнымі падзеямі.