Прадпрыемства Ганны Шарэйкі з мільянера стала стратным
14- 24.05.2016, 10:42
- 19,257
ФОТА: KP.BY
Да арышту «сенатаркі» Віцебская бройлерная птушкафабрыка зарабіла $90 мільёнаў, а цяпер упершыню стала стратнай.
Генеральная дырэктарка Віцебскай бройлернай птушкафабрыкі Ганна Шарэйка вось ужо 1,5 года знаходзіцца за кратамі. 10 чэрвеня ёй будзе вынесены прысуд.
Шарэйка ўзначальвала прадпрыемства з 1998 года да свайго затрымання ў жніўні 2014 года.
«Наша Ніва» параўнала, як працавала прадпрыемства Шарэйкі апошнія дзесяць гадоў.
Цягам 2006-2014 гадоў чысты прыбытак Віцебскай бройлернай птушкафабрыкі склаў $90 мільёнаў. У першы ж год пасля арышту дырэктаркі былі зафіксаваныя страты.
| Год | Прыбытак | Работнікі |
| 2006 | $5,8 мільёна | 1548 |
| 2007 | $7 мільёнаў | 1658 |
| 2008 | $9,8 мільёна | 1905 |
| 2009 | $11,4 мільёна | 2272 |
| 2010 | $9,4 мільёна | 2707 |
| 2011 | $20,4 мільёна | 3147 |
| 2012 | $10,7 мільёна | 3436 |
| 2013 | $6 тысяч | 3137 |
| 2014 | $14,69 мільёна | 3018 |
| 2015 | страты $2,83 мільёна | 2973 |
