У Менску пенсіянерка забрала ў банку чужыя 6 тысяч еўраў

Затрыманая распавяла міліцыянтам, што пайшла ў бібліятэку, каб вярнуць кнігі, але па дарозе зазірнула ў банк.

У Менску затрымалі пенсіянерку, якая ў банку забрала чужыя 6 тысяч еўраў. Пакет з валютай прынёс з сабой маладзён. Частку еўраў ён памяняў на беларускія рублі, а пакет з астатняй сумай забыўся ў банку. Калі ж хлопец вярнуўся, грошы зніклі. Давялося далучацца да іх пошуку праваахоўнікам.

Магчыма, з дапамогай камер відэаназірання высветлілася, што пакет з еўрамі забрала 56-гадовая жанчына. Затрыманая распавяла міліцыянтам, што пайшла ў бібліятэку, каб вярнуць кнігі. Па дарозе яна зайшла ў банк - хацела купіць латарэйны білет. Там яна і заўважыла ля акенца адной з кас чорны пакет з еўрамі. Жанчына не вытрымала спакусы, забрала яго і пайшла дадому.

Крымінальная справа ў дачыненні да пенсіянеркі заведзеная паводле артыкула «Крадзеж» (арт.205 КК Беларусі), паведаміла БелТА прэс-афіцэр Цэнтральнага РУУС Менска Таццяна Абозная.