Макей надумаўся развіваць сельскую гаспадарку з Мазамбікам
18- 24.05.2016, 18:16
- 9,625
Кіраўнік МЗС Макей абмеркаваў з мазамбіцкай дэлегацыяй перспектывы двухбаковага супрацоўніцтва.
Сённяшні стан эканамічных сувязяў і перспектывы актывізацыі двухбаковага дыялогу на высокім палітычным узроўні абмеркавалі 24 траўня ў Менску міністр замежных спраў Беларусі Уладзімір Макей і намеснік міністра замежных спраў і супрацоўніцтва Мазамбіка Ньелеці Брук Мандланэ. Пра гэта паведамляе БелаПАН са спасылкай на прэс-службу беларускага замежнапалітычнага міністэрства.
Мандланэ ўзначальвае дэлегацыю Мазамбіка, якая прыбыла ў Беларусь для ўдзелу ў першым пасяджэнні беларуска-мазамбіцкіх камісіі аб супрацоўніцтве і другім раўндзе двухбаковых кансультацый паміж МЗС.
Разгледжаны вынікі першага пасяджэння двухбаковай міжурадавай камісіі, а таксама дасягнутая дамоўленасць аб спрыянні развіццю кантактаў у такіх галінах, як сельская гаспадарка, гандаль, адукацыя ды іншыя.
Нагадаем, пасля атрымання незалежнасці ў 1975 годзе, укаранення камуністычных метадаў кіравання і грамадзянскай вайны, якая доўжылася да 1992 года, Мазамбік стаў адной з самых бедных краін свету.