На жонку кіраўніка РНБА Украіны Турчынава напаў мужчына з нажом

На жонку сакратара Рады нацыянальнай бяспекі і абароны Украіны Ганну Турчынаву напаў узброены нажом мужчына.

Пра гэта ўчора ўвечары паведаміў міністр унутраных спраў Украіны Арсен Авакаў.

- напісаў Авакаў у «Фэйсбуку».

Са слоў Авакава, нападніка «абясшкодзілі і затрымалі». Цяпер мужчыну дапытваюць, піша Украинская правда.

«Нападнік, жыхар Данецкай вобласці, прыехаў мэтанакіравана з акупіраванай тэрыторыі для нападу на сям'ю Турчынава. У затрыманага тэрарыста канфіскавалі камплект халоднай зброі. На допыце ён паводзіў сябе нахабна, пагражаючы Турчынаву і кіраўніцтву дзяржавы, крычаў, што яго справу давядуць да канца іншыя», - распавёў міністр.

У галоўным упраўленні Нацыянальнай паліцыі Кіева ўдакладнілі, што ў выніку нападу ніхто не пацярпеў.

Пазней Аляксандр Турчынаў у сваім «Фэйсбуку» падзякаваў ахоўніку вучылішча і паліцэйскім за аператыўнасць і прафесіяналізм.

«Тэрарысты не могуць адолець нас у баі, і таму імкнуцца падступна зводзіць рахункі з безабароннымі жанчынамі. Але ім не ўдасца запалохаць ні мяне, ні маю сям'ю», - заявіў Турчынаў.

24 траўня Аляксандр Турчынаў паведаміў, што на Данбасе пачалася маштабная актывізацыя з боку расейскіх акупацыйных войскаў.