Украіна аспрэчыла ў ангельскім судзе законнасць «завінавачанасці Януковіча»

Украіна падала ў ангельскі суд свае пярэчанні на расейскі пазоў, які патрабуе вяртання $3 млрд запазычанасці з адсоткамі.

Украіна мяркуе, што пагадненне з Расеяй 2013 года аб выдачы крэдыту не мае законнай сілы, піша РБК.

Украіна накіравала ў Высокі суд Англіі свае пярэчанні на расейскі пазоў, які патрабуе прызнання за Кіевам дэфолту еўрааблігацый на $3 млрд і выплаты гэтай завінавачанасці са штрафнымі адсоткамі. Пра гэта гаворыцца ў супольнай заяве Мінфіна і Міністэрства замежных спраў Украіны. Сам дакумент з пярэчаннямі яшчэ не апублікаваны. Сакратарыят Высокага суда не адказаў на званкі РБК.

З паведамлення ўкраінскіх уладаў вынікае, што Украіна даводзіць несапраўднасць пагаднення аб фінансавай дапамозе, укладзенай ў снежні 2013 года паміж Расеяй і тагачасным прэзідэнтам Украіны Віктарам Януковічам. У снежні 2013 года прэзідэнт Расеі Уладзімір Пуцін абвясціў, што расейскі ўрад пагадзілася ўкласці $15 млрд у дзяржаўныя аблігацыі Украіны.

Незадоўга да гэтага Януковіч прыпыніў падрыхтоўку да ўкладання пагаднення аб асацыяцыі з Еўразвязам. Расея паспела купіць на сродкі Фонду нацыянальнага дабрабыту (ФНБ) аблігацыі Украіны на $3 млрд, пасля чаго ўлада ў Кіеве змянілася. Завінавачанасць была структураваная ў выглядзе еўрааблігацый згодна з ангельскім правам з лістынгам на Ірландскай біржы.

Украіна мяркуе, што пагадненне 2013 года ўкладалася пад прымусам з боку Расеі, гаворыцца ў паведамленні ўкраінскіх Мінфіна і МЗС. Расея цягам усяго 2013 года ціснула на Украіну з мэтай не дапушчэння ўкладання пагаднення аб асацыяцыі з ЕЗ. Раней МЗС Украіны казаў, што ўважае расейскі крэдыт на $3 млрд за хабар Януковічу з боку Масквы і будзе выкарыстоўваць гэты аргумент у ангельскім судзе.

Акрамя таго, у снежні 2013 года ўрад Януковіча, прыцягваючы расейскі крэдыт, парушаў устаноўленыя ў той час межы дзяржаўных пазык. Пагадненне з Расеяй было абвешчанае 17 снежня 2013 года, 19 снежня Кабмін Украіны ўхваліў выпуск двухгадовых аблігацый на $3 млрд, і ў той жа дзень Вярхоўная рада ўхваліла папраўкі ў дзяржбюджэт, павялічыўшы гранічную суму дзяржаўнай завінавачанасці на 19,4 млрд грыўняў. Украінскія дэпутаты тлумачылі тады, што папраўкі патрэбныя, каб атрымаць крэдыт ад Расеі.

У снежні 2015 года Украіна ўвяла мараторый на выплату Расеі $3 млрд з еўрааблігацый, мараторый мае бестэрміновы характар.